واحد ورث مسدس نارى ، يعمل فيه ايه ؟

[mr max]

المشاركة الأصلية كتبت بواسطة shahin

لازم يروح يسلمه في القسم التابع له هو و رخصه السلاح و بعدين يتفق مع محل سلاح محترم و ثقه انه ياخده علي الرخصه بتاعته و بعد كده يبيعه

و لو هو معاه رخصه ممكن ياخده علي الرخصه بتاعته

* هو عنده تخوف انه لو سلمه فى القسم ميعرفش يطلعه تانى مثلا يحصل هجوم على القسم زى ما بنسمع كل شوية والمسدس يتاخد زى باقى الحاجات ، ساعتها القسم مش هيعرف يرجعهوله

* "و لو هو معاه رخصه ممكن ياخده علي الرخصه بتاعته" يعنى ايه؟ لامؤاخذة مش فاهم

* هو لو هيبيعه ، هيبيبعه ازاى ؟ ايه الخطوات المطلوبة ؟
وهينفع يبيعه مزاد ؟ ( عشان ياخد أعلى سعر )

*طيب هو له قريبه ظابط (أكيد معاه رخصة سلاح) ينفع يشيله عنده لغاية ما يطلع رخصة سلاح لنفسه ؟

معلش بتقل عليكم ، اصل صاحب الموضوع قريبى ويهمنى انه يبقى ماشى قانونى سليم

[shahin]

المشاركة الأصلية كتبت بواسطة mr max

* هو عنده تخوف انه لو سلمه فى القسم ميعرفش يطلعه تانى مثلا يحصل هجوم على القسم زى ما بنسمع كل شوية والمسدس يتاخد زى باقى الحاجات ، ساعتها القسم مش هيعرف يرجعهوله

* "و لو هو معاه رخصه ممكن ياخده علي الرخصه بتاعته" يعنى ايه؟ لامؤاخذة مش فاهم

* هو لو هيبيعه ، هيبيبعه ازاى ؟ ايه الخطوات المطلوبة ؟
وهينفع يبيعه مزاد ؟ ( عشان ياخد أعلى سعر )

*طيب هو له قريبه ظابط (أكيد معاه رخصة سلاح) ينفع يشيله عنده لغاية ما يطلع رخصة سلاح لنفسه ؟

معلش بتقل عليكم ، اصل صاحب الموضوع قريبى ويهمنى انه يبقى ماشى قانونى سليم

موضوع الخوف ان القسم يتسرق ماقدرش افيدك فيها لاني مش فاكر هو بيفضل في القسم و لا بيروح مخزن تبعهم في حته تانيه

لو هو معاه رخصه سلاح يبقي الموضوع اتحل الورثه هيتنازلوله عن السلاح و يتسجل علي رخصته

بالنسبه للبيع انا قولتلك يشوف محل سلاح ثقه او الظابط قريبه لو معاه رخصه ممكن ياخد السلاح علي رخصته لحد مايشوف مشتري يتنازله

اهم حاجه انه يبقي علي رخصه حد ثقه مثلا لو علي رخصه الظابط ممكن بعد كده يعرضه في اي حته زي الموقع هنا و يقول مسدس كذا و موصفاته كذا و اللي عايز يشتري يروح يشوفه

لو في محل السلاح نفس الكلام المسدس هيبقي في محل السلاح و اللي عايز يشوفه يروح يشوفه