ارجو الحذر من العضو medo pasha

[adel152]

اولا الف سلامة على الاخ العضو اللى حصل معاه هذا الموقف وربنا يشفيه يارب.
ربنا أعلم ان جميع الاعضاء فى هذا المنتدى هم بمثابة اخوة وابناء لى ولذلك ادعوا الجميع للهدؤ والتفكير قليلا فى رد الفعل.
لو فرضنا انكم اتجمعتم للذهاب الى بنها وطبعا كل واحد حيكون معاه اللى ربنا أقدره عليه من مسدسات بلى وصواعق وخلافه ووقفتوا فى كمين من اللى الواحد بيشوفهم اليومين دول تفتكروا ايه اللى حيحصل معاكم؟
وطبعا لتبرير الموقف حيتضح ان المشكلة متعلقة بسرقة (50 خنجر) من احد اعضاء منتدى الصيد فى مصر!!!!!!!!!!!
أنه منتدى صيد ده اللى فيه تجارة خناجر بالجملة؟ ولا فى حد حيقولى فى واحد عايز يشترى 50 خنجر للأقتناء؟
احنا كلنا هنا عارفين حقيقة الفرق بين هواية الصيد والاتجار بأسلحة غير قانونية بس مافيش حد عايز يعترف بيها أن لو الشئ المعروض للبيع قانونى كان صاحب المشكلة زعق وهلل ولم الناس عليه وبعد كده كان جرى على الشرطة لعمل محضر وتقرير طبى بأصبته لكن مافيش حاجة من دى تمت ليه؟
طبعا كلامى ده ياريت مايتخدش انه هجوم على حد ولكن خوف على جميع الاعضاء فى المنتدى.
أسف على الأطالة وربنا يحمى ويهدى الجميع.
خالص تحياتى.