استفسار بعد اذن المنتدى عن الموقف القانونى من مسدس الصوت

[roaaroma2005]

استفسار بعد اذن المنتدى عن الموقف القانونى من مسدس الصوت
دلوقتى لو تم ضبط المسدس صوت ( مفتوح ) ومعه طلقات صوت ( وليست بلى )
اثناء انتقالى من مكان لمكان وحصل لاقدر الله وقبلت لجنة ايه الموقف القانونى
منهم مع اى حد
مع العلم الطلقات صوت وليست بلى

[تامر عصام]

أعتقد أن الواحد لو تم ضبط مسدس الصوت المعدل لضرب البلى فى هذه الحالة هتبقى مشكلة فعلا لأن هناك تعديل داخل الماسورة وإذا كان من حق الضابط حجز مالك مسدس الصوت اللى الضابط متأكد انه صوت الى حين عرض المسدس على المعمل الجنائى والتحقق من انه صوت فما بالك لو المسدس فيه تعديل و أنا أنصحك بعدم حمله طالما معك طلقات صوت فقط مع العلم انى أعرف ناس بتشيل الصوت المتعدل و لكن فى السفر و الظروف التى ممكن تحتاجه فيها فقط لأن الواحد مضطر و الشرطة ملهاش لزمة و أصبحوا موظفين حكومة زى بتوع مجمع التحرير كده وربنا يحسن الاحوال

[mohamedatia]

مسدس الصوت ليس فيه مشكله نهائى
والمسدس الصوت المتعدل لضرب البلى ليس فيه مشكله ايضا لان طالما المقزوف اقل من المنصوص عليه فى جدول الاسلحه والزخائر ليس فى اى مشكله حتى بعد العرض على المعمل الجنائى لان فيه مسدسات رش بلى ضغط غاز بلى 4.5 مم رصاص زو مدى اكبر حيث يصل الى 100 متر فى الاماكن المغلقه و 50 متر فى الاماكن المفتوحه ليس فيها اى مشكله وتباع فى المحلات بدون ترخيص .

[ahmedgamalaziz]

انا مش متاكد من موضوع انه ممنوع ولا لا بس اللى اعرفه ومتاكد منه انك لو ماشى وعديت على كمين اى ظابط باى رتبه مالهوش الحق انه يفتشك تفتيش شخصى
هو مالهوش الحق انه يفتش العربيه (قانونا غير مسموح) بس احنا اتعودنا على كدة
انما انت لو محامى او او تعرف حد محامى هايقولك انه قانونا مالهوش الحق يفتشك ولا يفتش العربيه بس هانفترض انه هايفتش العرييه وانت هاتسيبه
اعتقد ممكن تخبى المسدس فى هدومك فى اى حته مش ظاهرة وساعتها مش هايعرف لانك مش هاتسمحله يفتشك
بس خلى بالك ان من حقه قانونا يحتجزك عنده لو مشتبه فيك

وربنا يسترها بامره

[علي سيف]

ربنا يسترها علينا في كل الاحوال

[roaaroma2005]

الف شكر للردود
اولا الحامى ربنا
ثانيا طبيعية شغلى محتاح سلاح للحماية بس
مش نافع ( ماديا ) ارخص حى عشان كدا كنت بسئل السؤال
دا لانى بحب على الاقل احمى نفسى والاكتر من كدا اكون
ماشى قانونى وصح
شكرا لكل من افدنى وهسيبها على الله ومش هامشى بيه منعا للمشاكل وربنا يستر

[roaaroma2005]

المشاركة الأصلية كتبت بواسطة tarekvb

طالما صوت مفيش فيها حاجة بس انت اصلا شايله صوت ليه ؟ وقت اللزوم مش هيعملك حاجة خالص وجوده زى عدمه

ياباشا الصوت اللى ملهوش لزمة دا لولا واحد ضرب بيه كام طلقة
كان زمان حصل جناية وكله فكرة حى وقلقوا والموضوع خلص وقتها الحمدلله طبعا
فاحيانا اللى قدامك ينخدع بيه خصوصا اليومين دول البلد كلها بقت شايله حى
فمنظره لوحدة يوحى اللى قدامك انك تقدر تحمى نفسك
وعلى فكرة انا حتى لو شلت فيوم من الايام حى عمرى ما يجيى قلب اموت حد
عشان حرام دى هتبقى روح

والف شكر لكل من ساعدنى فى الاجابة مرة اخرى

[الجباروت]

ياباشا مسدسات الصوت مصنعة للابتهاجات والتحيات فى الافراح ومبرايات كرة القدم بس من حق ظابط الشرطة يقوم باخزك الى القسم والمسدس اى ان كان صوت او بلى

[marbella]

تلااااااااااااااااقي اللي يسااااااااعدك يارب

[الفاروق عمر]

هياخدو المسدس منك و يسيبوك..بس لو في طلق بلي ممكن تبقي مشكله بس مش مشكله كبيره اوي يعني