ظاهره غريبه !!

[adel152]

المشاركة الأصلية كتبت بواسطة salas0010

كلام حضرتك صح فى جزئيه ان فى اعضاء قديمه باعوا مقتنياتهم من البنادق او معظم مقتنياتهم واللى متابع السوق هيعرف بكل سهوله ان الكلام صح

االسوال بقى ليه الاعضاء الكبار بيبيعوا بنادقهم او الكثير من بنادقهم وكل الاعضاء عرضين البنادق فى وتيره متسارعه فى اقل من شهر معظم الصيادين الكبار بيبيعوا بنادقهم ايه السبب ؟!!!!!!

ماحدش فكر فى مصاريف أجازة الصيف ورمضان ويليه العيد ثم دخول المدارس؟؟؟؟؟؟
ماحدش فكر فى أحوال البلد من سنة ونصف؟؟؟؟؟؟؟؟
ماحدش فكر النهاردة ال100 جنيه ممكن تشترى بيها أيه؟؟؟؟؟؟
ماحدش فكر فيه ناس كتير ما بتقدرش تتحصل على ال100 جنيه حاليا رغم تدنى قيمتها فى الشراء؟

يمكن الموظف اللى دخله ثابت يكون أقل الناس أحساسا بهذه المشكلة ولكنه اكيد حاسس بأرتفاع الاسعار الغير عادى فى الفترة الاخيرة وأستغلال البعض للظروف التى تمر بها البلد فى الوقت الحالى.

هل تعلمون ان الاستثمارت الخارجية كانت 6.8 مليار دولار فى 2010 وأنخفضت الى 2.2 مليار دولار فى 2011.
كذلك الدخل السياحى أنخفض من 36 مليار دولار الى 15 مليار دولار.
أكيد كل هذه العوامل تؤثر بطريقة كبيرة جدا على الفرد فى المجتمع المصرى ولذلك عرض البيع اكثر من الشراء لمقتنيات المصريين ليس فى هواية الصيد فقط ولكن على المستوى العام مثل السيارات وشقق المصايف....الخ
دى وجهة نظرى المتواضعة قد يتفق معى البعض وقد يختلف البعض الاخر وفى النهاية الاختلاف فى الرأى لايفسد للود قضية.
تحياتى للجميع.