السباحه و النشان

[BERETTA fs92]

السلام عليكم ورحمه الله وبركاته ياجماعه هوا تعليم السباحه بياخد فتره اد ايه وبالنسبه للنشان موضوع ان الايد بتتهز والواحد بينشن دي بتروح لوحدها ولا بكثره التمرين وشكرا

[kghazy]

السباحة على حسب السن والرغبة وخبرة المدرب والحد الأدنى يوم واحد وتكون بتعرف تعوم مش بطل سباحة بس تتعلم تمشى حالك ومتغرقش. بالنسبة للاهتزاز أكتم نفسك لحظة عصر التتك.

[EZEL]

المشاركة الأصلية كتبت بواسطة kghazy

السباحة على حسب السن والرغبة وخبرة المدرب والحد الأدنى يوم واحد وتكون بتعرف تعوم مش بطل سباحة بس تتعلم تمشى حالك ومتغرقش. بالنسبة للاهتزاز أكتم نفسك لحظة عصر التتك.

بالنسبه للنشان كتم النفس لازم يكون بعض استنشاق نفس عميق وافراغة بعد ذلك يتم كتم النفس لان كتم النفس بعد الشهيق يجعل جسم الانسان مثل البالون ويحدث اهتزاز لازم ولابد ان يكون كتم النفس بعد الزفيررررررر

[BERETTA fs92]

عملت كده ولسه برده بتتهز وانا بنشن بمسدس ايه الحل بقي

[محمد كابو]

بص ياسديى العبد لله اول متلم العوم كنت لوحدى و فى ميو النيل كان فريبى يرمين فى وسط النيل و انا مع نفسى لحد معف اذاى اعوم و دة طبعاً اخد وقت كبير جداً علشان مية تقيلة و لوحدة اما لو الشخص صغير هيستوعب ببساطة تمام اما النشان للاسف مليش فية و السلام عليكم

[AhmeD EslaM]

هو اية التتك دة

[BERETTA fs92]

طيب وبالنسبه للنشان ياجماعه

[Mohamed Mahmoud]

تمسك البندقية فى وضع الرماية وتنشن على حاجة صغيرة زى مفتاح الكهرباء او غطاء زجاجة (بدون ضرب )وتمسك ستوب ووتش وتحسب لنفسك اكبر وقت تقدر تمسك فية البندقية اول مرة حاول تعدى نصف دقيقة ومع التمرين هيزيد الوقت
هتعمل التمرين دة مرتين او تلاتة فى اليوم على الاقل
التمرين دة هيخلي ايديك فيها ثبات جامد

[kghazy]

افرد دراعك قدامك ومد صوابعك على الاخر وهى مقفولة كأنك بتحاول تلمس كتاف واحد واقف قدامك وبص على ايدك لو مش عارف تثبت صوابعك وتبتتهز غصب عنك يبقى محتاج استشارة طبية اعصاب

[kghazy]

المشاركة الأصلية كتبت بواسطة aemmm

هو اية التتك دة

التتك هو الى البعض بيسميه الزناد

[hemi afifi]

بص هو مفيش حد ايده مبتتهزش التمرين حيحسن الموضوع بس برده حتبقي بتتهز الصياعه في النشان انك تضرب في الوقت اللي ايدك بتبقي فيه علي الهدف اثناء الاهتزاز و انا بيتهيالي ان السبب في اللي بيحصلك ده انك ماسك البندقيه جامد عاصرها في ايدك و في كتفك جامد حاول تمسكها علي خفيف خالص بايدك اللي علي الزناد و الايد التانيه شبه مفتوحه و البندقيه قاعده عليها مش ممسوكه و جرب اكتر من وضعيه انا عن نفسي ببقي بضرب ساند كوعي في جنبي و مقعد البندقيه علي كفي مش ماسكها و الحمد لله شغال كويس و علي فكره الاجهاد و شرب السجاير و القهوه بيعمل الرعشه دي جامد جرب اضرب الصبح بدري و انت لسه صاحي من النوم و جسمك مرتاح قبل القهوه و السجاير و اتفرج حتبقي مرتاح ازاي و مسكة البندقيه دي بتختلف بين الناس مش مشكله ان مسكتك تبقي غريبه بس نشانك صح

[BERETTA fs92]

انا اولا بنشن بمسدس ثانيا هيا مش بتتهز اوي يعني بس برده بتتهز فبكتره التمريت دا مابيروحش

[hemi afifi]

النشان بالمسدس اسهل في حاجات و اصعب في حاجات اسهل عشان مفيش وزن و المسافه بين النشنكاه الخلفي و السن الامامي صغيره و حتجمع اسرع و اسهل بس اصعب عشان انت لازم ايدك تبقي مفروده و انت بتدوس علي الزناد حيرمي معاك النشان يمين عموما موضوع رعشة الايد ده بيبقي زياده عند ناس اكتر من ناس و انت حلك تتمرن و تاخد علي المسدس اكتر و في فيتامين بي 6 و بي 12 ده كويس جدا للاعصاب و حيحسن الرعشه دي شويه بأذن الله

[BERETTA fs92]

هيا مش بتتهز ازي انا لنشن علي ورق نشان الي هوا دواير فامش بتتهز اوي بس حاجه بسيطه فكت عاوز اعرف السبب من ايه بس انا متأكد انه مش ضعف اعصاب

[tarek/]

النشان اول شىء لو ماسك طبنجه او بندقيه لازم تحس بيها انها جزء منك
خلينا فى الطبنجه امسك الطبنجه برفق لا تمسكها بقوه حتى لاتهتز فى يدك
ثانيا اهم شىء تدريبك على تطابق فتحه الشيز الخلفه مع سن نمله الدبانه الاماميه (يجب التدريب على التطابق السن الامامى يملىء فراغ الفتحه الخلفيه ويكون متساوى)
تحدد الهدف المراد اصابته وتبدأ التصويب والاهم الاهم ان لا تشد التتك مره واحد لان ده اكثر واكبر خطأ يقع فيه الرامى
يجب عسر التتك يعنى تسحبه بتدريج بسيط ولا تتوقع خروج الطلقه حتى لايحدث لك رد فعل عكسى ولو طبقت ماقلته لك اصابتك ان شاء الله ستكون فى مكانها يعنى الطلقه فى السواده (10)

[tarek/]

صعوبه الطبنجه فى النشان عن البندقيه ان ماسوره الطبنجه قصيره واى اهتزاز بسيط فيها بيكون مؤثر عن ماسوره البندقيه الطويله

مع التمرين وتوافق كتم النفس (لا تطول كتم نفسك) مع تنفيذ قاعده التنشين السابقه مع عسر التتك كما قلت لك ان شاء الله كل شىء يكون تمام