|
| الإعلانات |
|
|||||||
| الموضوعات العامه الموضوعات الغير متعلقه بالصيد. |
|
|
أدوات الموضوع | إبحث في الموضوع | انواع عرض الموضوع |
12-12-19, 02:15 PM
|
#1 |
|
عضو مميز
تاريخ التسجيل: Dec 2011
المدينه: Cairo
المشاركات: 4,744
معدل تقييم المستوى: 302   |
بيئة !!!
بسم الله الرحمن الرحيم كلمة '' بيئة '' دي أكتر كلمة بكرهها في حياتي! ناس واقفة بتتصور في سيتي ستارز بموبايل.. إيه داعي اننا نضحك عليهم؟ إيه داعي اننا نقول عليهم بيئة؟ والله معلش أنا عارف إنها صدمة بس مش كل الناس بتلف العالم و تاخد صور جنب ميكي ماوس في الديزني لاند !!! لو بيتصوروا في المول فده لأن هو ده المكان الوحيد اللي يقدروا يروحوه.. و بيتصوروا بموبايل لأنهم ممكن يعيشوا و يموتوا قبل ما يمتلكوا نص ثمن الكاميرات اللي ...احنا بنتصور بيها ! كلمة '' بيئة '' دي ثقافة متخلفة ! ثقافة خلت إنك تبقى جامد أما تسافر اوروبا في الصيف..و تبقى معفن أما تسافر اسكندرية تقعد على شاطئ مجاني تستمتع بجمال بلدك بدون تكلف! خلت اللي يتكلم لغة انجليزية بطلاقة يبقى ليه الأولوية في فرص العمل و يبقى كووول! و اللي يتكلم لغة عربية بطلاقة يبقى اهبل! خلت الناس تقرف من البلد في شم النسيم و الاعياد عشان الناس البسيطة بيقدروا ينزلوا و يخرجوا.. بنضايق من لبسهم من كلامهم من انتشارهم.. و عمرنا ما بنتلفت للسعادة اللي على وشهم! لو صورهم في المول هتسعدهم.. لو نزولهم البحر بهدومهم هيسعدهم.. لو أي حاجة بيعملوها بتسعدهم.. يبقى مش من حقنا نحكم عليهم انهم '' بيئة '' عشان بيفرحوا بالطرق المتاحة قدامهم! شيل الكلمة دي من قاموس حياتك.. و قدر الناس و طبقاتهم و بساطتهم و افرح لفرحهم و بصلهم كويس أكيد هتشوف شيء من الطيبة من الحب من العفوية من البساطة.. أكيد هتشوف شيء من بلدك.. شيء منك! ساعتها بس هتحس إنك إنسان.. و اللي أقل منك إنسان.. و اللي أقل منكم إنسان.. إنسان من حقه يفرح و يضحك من غير ما حد يبص عليه أو ينتقده لمجرد انه مدفعش مينيمم لضحكته (: |
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| بينت بول | medo_hunt2012 | الموضوعات العامه | 2 | 12-08-03 01:17 AM |
| حلقات باسم يوسف كاملة ( يو تيوب ) لو تقدر أمسك نفسك و متضحكش | ahmedmh_ali | الموضوعات العامه | 7 | 11-08-08 02:06 AM |
| مطلوب استيراد بنادق بينت بول | مدحت عمر | البنادق الهوائيه | 11 | 11-08-08 01:11 AM |
| للبيع بينت بول | tiger_chan | بنادق ضغط الهواء ومتعلقاتها | 9 | 11-03-04 12:01 PM |
| بيوت الشباب | msgm | الصيد العام | 2 | 09-02-21 09:54 AM |
العرض الشجري