رد: الكناس منجم احسن ولا ايكول جاكال
مع إحترامي لكل الأساتذة الافاضل أنا كان معايا الجاكال السريع وبعته بعد 10 شهور ومن قبلها ظهرت مشاكله مع إني كنت جايبه من محل واحد حبيبي وبلدياتي وهو بقى مسدس شعبي مع كل الناس بالعبيط يعني ومفقوس قوي وسمعة عالفاضي بجد عشان شبه البريتا 92 وده سبب ارتفاع سعره ومشاكله ظهرت مع اصحابي كمان والشاكوش بتاعه فيه بلية بتقع من كتر الضرب وخلي بالك هو بيبقى حلو في الاول أوعى يغرك زي ماأنا أتغريت فيه لقلة خبرتي ساعتها...
المهم الحمدلله خلصت منه وأسال مجرب وإن شاء الله توكل على الله وهات الكناس برضو شبه البريتا 92 وهيبة وجامد ويشرف ونادر محدش ماسكه كتير ... وحكاية إنه أرخص من الجاكال والفيرات هي الشركة منزله سعره كده والكلام ده مكتوب على المواقع الأجنبية والله العظيم إن شركة كرال بتنافس وبتخفض الأسعار ومميزة في خاماتها وموديلاتها وماسورته مفتوحة من المصدر وكفاية إن ماسورته بيمسك فيها المغنطيس ولمعته هادية ماتنرفزش زي الجاكال أو الفيرات وفينيشه أعلى وشركة كرال اللي مصنعه أقدم واشهر ومميزة عن باقي الشركات ووزنه أتقل وصوت عالي بجد زي الحي وجرب... وبينفع في كل حاجة من الآخر وهات الكرال كناس ماجنوم الأسود الفردي وسعره مابين 1100 : 1200 جنيه في حدايق القبة والسريع بتاعه (ملوش لازمه) موجود في العتبة ووسط البلد وسعره نار ب1000 جنيه زيادة ومعاملة المحلات متأرنانين قوي وهو هو كله واحد اللي في السوق والله العظيم لفيت قبل ماشتريه وقارنت واسمع كلام دكتور alsaher وبرضو لوعايز معلومات زيادة عن الكناس تابع موضوعاتي ولما تشتريه ابقى فرحنا وإستفتي عقلك وقلبك ولو أفتوك الناس وربنا يسترها علينا و عليك
|
13-12-26, 01:37 AM
العرض الشجري