الاسلحة والثورة -- عار عليكي يا مصر !!

[Astromic]

المشاركة الأصلية كتبت بواسطة eng badran

انا علي فكرة يا استروميك سألت في الموضوع ده
وقالي حتي لو مش معاك ترخيص ممكن تجيب السلاح من برة
هقولك الاجراءات واطلع علي المباحث الجنائية ( المباحث الجنائية فقط مش قسمك اللي انت تابع ليه لاني اكتشفت ان كل امناء الشرطة بيفتوا افتاءات عجيبة الشكل )
بص يا سيدي الفاضل
انت لازم اولا تكون عارف شخص عايش في امريكا وواثق فيه
الشخص ده هيشتري سلاح بالفاتورة ويبعتهولك هوا والفاتورة بتاعته ولازم تكون فاتورة معتمدة جاية من مصدر موثوق فيه اما شخص اشتراه بطريق شرعي او تاجر سلاح
هيبعتلك السلاح في طرد علي عنوان القسم اللي انت تابع ليه وبأسمك انت
هتروح تخلص اجراءات الترخيص بتاعك وبعد ما تخلص الاجراءات تروح زي الباشا يقولك سلاحك اهوه
وخلصت الحكاية
طيب فرضا مثلا انك تعثرت لا قدر الله في اجراءات الترخيص ايه هيكون مصير السلاح بتاعك ؟؟
في الحالة دي سلاحك هيكون بأسمك موجود في القسم وليك الحق في التصرف في بيعة لشخص يكون معاه ترخيص .. بس خلي بالك بقا لازم تكون مزبط قبلها بكتير مع ناس لان حطة في القسم ليه فترة محدوده وبعدها بيتصادر السلاح فانا انصحك تخلص اجراءات الترخيص خالص وتاخد تصريح شراء السلاح وبعدين تبعت تجيبه هوا بييجي في اقل من اسبوع يعني متقلقش وعلي فكرة احنا في الحته دي احسن من دول كتير جدا بتجبرك تستورد السلاح عن طريق تاجر سلاح وساعتها بقا تاجر السلاح بيحطلك السعر اللي هوا عايزة بحجة انه ( ده انتاج السنادي يا استاذ .. ده مستورد يا استاذ .. ده بتاع بلده يا استاذ ... ده طالع من علي المكنة عليك عدل يا استاذ .. والخ الخ الخ الخ )
طبعا محدش مصدق ان الموضوع بالبساطة دي .. لا يا جماعة بالبساطة دي وتقدر تخطف رجلك وتروح علي اقرب مباحث جنائية ليك لان ادارة تراخيص السلاح في المباحث الجنائية هيا المختصة بكل حاجة وهيا اللي بتزبط كل حاجة اسال ومش هتخسر حاجة
وبالنسبة للجمارك يا اخي بتكون بنسبة من سعر السلعة اللي جاي في الفاتورة يعني مثلا بيقولك هتدفع 30 في المية من تمن السلعة لو كانت جديده و 15 في المية لو كانت مستعمله
طبعا السلاح اتباع من تاجر سلاح ورجع اتباعلك بعدها يبقا كده مستعمل .. وكان الله بالسر عليم
بس المشكله بقا والمصيبة
اني مش عارف تاجر سلاح في امريكا الا واحد بس امريكي من اصل مصري وللاسف انا برضو مصاحبة من علي النت يعني مش واثق فيه قوي ومش ضامن بصراحة الموضوع يتم معاه لان زي ما انتوا عارفين النت ده فيه الحلو وفيه الوحش والله اعلم بمعادن الناس احنا بنحسن الظن فيهم لكن مش بنديهم ثقتنا بطريقة عمياء
ولو في حد برة يا ريت يفيدنا في الموضوع ده ويكون من الشاكرين

شكرا لافادتك القيمة و المهمة جداً, لو الموضوع بالبساطة دي يبقى فعلا الواحد يسعى في طريق السلاح من الخارج, انا هاخد كلامك ثقه, و هاروح بردوا و اسأل مع المحامي في المباحث الجنائيه لاني عارف ان القوانين كل يوم بتتعدل و بالذات الخاصة بالسلاح(يعني قوانين بغزاله).

و انشاء الله الاجراءات تكون سهله لاني املك ارض زراعيه, و لوالدي لانة مدير عام و القانون كما قيل لي يتيح له اصدار الرخصة بسهوله...

و بالطريقه دي نبعد عن انياب التجار الي بيصتادوا في الميه العكره مع الي محتاجهم, باسلوب قانوني و رخيص نسبياً و أمن.
شكرا...