ايها الصيادون( احذروا) طلعت

[salahfareed]

اسعدنى حظى بمشاهدة المهندس/طلعت امس وهو يصطاد وهنا وجب ان انبهكم انه صياد خطير ورامى متميز
واحذر كل من يسعدة الحظ بمرافقته فى اى طلعه مما سيراة ويشاهدة///
1- دقه عاليه جدا فى الرمى تصل الى 100%
2-الرمى من مسافات بعيدة انت لا تفكر ان ترفع عليها اصلا
3- انه يحمل معه مدفع جديد فخم (ديانا 54) يصيب من مسافه شاسعه
فعلى كل من يفكر ان يرافقه فى رحله ان يعرف انه لن يصيد اى حاجه لانه لن يلحق ان يضرب اصلا لسرعه المهندس طلعت فى التنشين والرمى وسرعه اعادة التعمير
لذلك وجب التنويه وعلى من يفكر فى مرافقته ان يضع فى الحسبان انه لن يصيد شىء وسيكتفى بالفرجه على السيرك اللى بيعمله الاستاذ طلعت
فشكرا له على هذة الطلعه التى تعلمت منها ومنه اننى ما بعرفش اصطاد

[Oonyx]

قال إيه واحنا كان نفسنا نتجمع ونطلع, لأ بلاشها بقى لحسن نرجع بخفي حنين ههههههههههههه

[ayman22]

انا كان نفسى اطلع مع أ/طلعت فى هذه الرحلة ولكن لم يسعدنى الحظ ولكن الرحلات جايه كتير لان نفسى اتغرج على طريقة صيد الصيادين وهم يطاردوا ويصطادوا ....

ولولا تركى لمجال الصيد والرماية من سنين لكنت انافسكم فى دقة التنشين واصابة الهدف ولكن مش بنفس سرعة الاستاذ طلعت لان مهما كان يديه متدربتين على التنشين من سنين طويلة وعنده من الخبرة ما يؤهله لذلك..........

ولكم منى كل حب وتقدير........

[galal khalifa]

ياحاج صلاح طلعت من المدرسة القديمة يعني لو الصيد سهل يبقا مش عايزينة ولو صعب اهلا بية دانتا كمان ما شفتش الواد ريناتو ابنة حدوتة صياد من العيار الثقيل وربنا يشفية ويقومة بالسلامة .
ومعلش انا فتتني الرحلة دية بس معلش كان في ظروف فعلا ما طلعتش خالص وخيرها في غيرها ...

[القناص]

السلام عليكم


أذا كان الموضوع عن أخى الكريم المهندس طلعت يبقى لازم أشارك فية وبالرغم من أن أستاذنا الكبير اللواء صلاح

لم يترك شىء يقال ولكن أحب أن أقول ان أخونا المهندس طلعت فعلا من الناس الذين تحب أن تخرج معهم فى


رحلة صيد ليس فقط لمجرد المهارة فى الصيد ولكن لأن عندة فعلا سلوك الصياد الحقيقى هذا الى جانب جمال

الحديث حول أى موضوع يخص الصيد و الرماية


وله منى كل الأحترام


وشكرا

[smsmn8888]

استاذ طلعت مينفعش نقول علية اكتر من انة صياد بيعشق الصيد بجنون وربنا يوفق ويجيب الذي في دماغة يارب

[mustafa-amer]

باين عليه صييد؟؟ و الله انا كنت كده زمان بس مشعارف حالتي دلوقت ؟؟ من شده إعجاب ظابط المدرسة بتنشيني بضغط الهواء قالي إنت تضرب نار احسن" و كنت لسه في اولى ثانوي و مكنش مسموح لاولى ثانوي الضرب بالنار و راح الفريق في ميدان الرماية لقيادة شمال الدلتا العسكرية و عمرلي هو بالمورس و قالي ماتخفش و لكني و إنزعجت من صوت البندقية و ردة فعلها في كتفي و لكن في الضربة التانية كنت متأكد ان الضربة ماجتش في المكان اللي انا عايزه و قلتله البندقية دي مش مظبوطة و امر العسكري يجبلي واحد تانية و طلعت مظبوطة و فرتكت كل الأهداف بس روحت لقيت ودني بتصفر" الله انا كنت صغير عالرمي بالنار" بس كانت تجربة رهيبه

[salahfareed]

المشاركة الأصلية كتبت بواسطة القناص

السلام عليكم


أذا كان الموضوع عن أخى الكريم المهندس طلعت يبقى لازم أشارك فية وبالرغم من أن أستاذنا الكبير اللواء صلاح

لم يترك شىء يقال ولكن أحب أن أقول ان أخونا المهندس طلعت فعلا من الناس الذين تحب أن تخرج معهم فى


رحلة صيد ليس فقط لمجرد المهارة فى الصيد ولكن لأن عندة فعلا سلوك الصياد الحقيقى هذا الى جانب جمال

الحديث حول أى موضوع يخص الصيد و الرماية


وله منى كل الأحترام


وشكرا

شكرا ابو سيف على مشاركتك فى الموضوع بس انت مش محتاج انك تعلق على الموضوع لانك انت صاحب فكرة الرحله دى وانت من تألقت فيها وتعاملت مع السلاح بمهارة رغم ماحدث فى البندقيه من عطل واعتقد انك كنت الافضل( مع الاحترام للمهندس تامر) وتعتبر ملك الرحله رغم ان البندقيه جديدة عليك وقد ضربت على مسافات بعيدة واصبت واسقطت(ضربه الزقزاق) كانت بعيدة جداااا وشكرااااااااااااااا على الرحله الجميله بس كان ناقصها الاستاذ جلال عم الكل وطبعا يا جماعه دى صورة للقناص عالماشى كدة

[Oonyx]

من الواضح اننا فاتنا نص عمرنا

[sam0o87]

اوبااااااااااااااااااااااااااا
على فكرة يا جماعة دية كانت المفروض تسمى رحلة العملاقة
واحنا عايزين نتعلم على ايد البشوات دول
يارب يتبننونا

[طلعت بخيت بسكالس]

أولا أنا لي أكثر من ثلاثة أيام لم أقم فيها بفتح الكمبيوتر من أساسه وده لظروف مرض أبني وبعض هموم ومشغوليات العمل واليوم بافتح الجهاز فوجدت هذا الموضوع .....................
أقسم بالله العلي العظيم أنا فضلت لمدة 20 دقيقة مذهول وكل مشاركة أقراها تدمع عيناي لحد مادخلت علي زوجتي فاأصيبت بحالة ذهول
مالك في أيه
سيبيني شويه مش قادر أنطق
ريحني وقولي في أية ويبدوا أنك فاتح المنتدي اللى بتحبه بعد الشر في حد من أصدقائك فيه حاجة
بعد الشر كلهم زي الفل والحمد لله
تعبتني طيب فيه أيه
تعالي أقرئي وشوفي بنفسك
ده الحوار اللي دار بيني وبين مراتي بعدها قالت لي صحيح اللي يحبه ربه يحبب فيه خلقه
أنا بحبكم جميعا بجد
ولساني عاجز عن الرد وأن كنت هارد لازم علي كل واحد علي حدة
والله ماعارف أتكلم ............والله ماعارف أتكلم .................والله ماعارف أتكلم

[galal khalifa]

يا عم طلعت انت تستاهل اكتر من كدا وانا اعرفك بقالي سنة ونصف وحاسس اني اعرفك من 46 سنة ودة عمري
ولما قربت منك لقيت انك انسان بمعني الكلمة فيك حاجة غريبة بتجذب الناس ليك ولو جينا نفسر الموضوع دة فنلاقي ان معدنك الثمين وطريقة تفكيرك وتعاملك مع الناس فيها كل المحبة والود الي يخلي الواحد عايز يقرب منك كمان وكمان وربنا يزيد محبة الناس ليك يا طلعت

[طلعت بخيت بسكالس]

المشاركة الأصلية كتبت بواسطة salahfareed

اسعدنى حظى بمشاهدة المهندس/طلعت امس وهو يصطاد وهنا وجب ان انبهكم انه صياد خطير ورامى متميز
واحذر كل من يسعدة الحظ بمرافقته فى اى طلعه مما سيراة ويشاهدة///
1- دقه عاليه جدا فى الرمى تصل الى 100%
2-الرمى من مسافات بعيدة انت لا تفكر ان ترفع عليها اصلا
3- انه يحمل معه مدفع جديد فخم (ديانا 54) يصيب من مسافه شاسعه
فعلى كل من يفكر ان يرافقه فى رحله ان يعرف انه لن يصيد اى حاجه لانه لن يلحق ان يضرب اصلا لسرعه المهندس طلعت فى التنشين والرمى وسرعه اعادة التعمير
لذلك وجب التنويه وعلى من يفكر فى مرافقته ان يضع فى الحسبان انه لن يصيد شىء وسيكتفى بالفرجه على السيرك اللى بيعمله الاستاذ طلعت
فشكرا له على هذة الطلعه التى تعلمت منها ومنه اننى ما بعرفش اصطاد

أبويا علمني وأنا صغير أن الكبير لما يقول حاجة الصغير يقول أمين لكن لازم أكسر كلام أبويا وأرد علي أحلي وأجمل كبير عيني شافته علي الأطلاق
ياجماعة سيادة اللواء صلاح شخص لا تستطيع أبدا مهما أوتيت من تحكم في مفردات اللغة أن تصفه أو توفيه حقه أدب أيه أخلاق أيه أحتضان بمعني الكلمة يعني تحس برفقته بأنك مع أخوك الكبير الحنون أو أبوك اللي وجوده جنبك يعني الدنيا كلها جنبك
وبيقولك طلعت صياد جامد
ده ياخوانا بطل بكل معني الكلمة
أستاذي وكبيري وكبير المنتدي
لك كل الحب والأعزاز والتقدير ولما أعيش عمر علي عمري تفضل أستاذي وأتعلم منك

[طلعت بخيت بسكالس]

المشاركة الأصلية كتبت بواسطة galal khalifa

يا عم طلعت انت تستاهل اكتر من كدا وانا اعرفك بقالي سنة ونصف وحاسس اني اعرفك من 46 سنة ودة عمري
ولما قربت منك لقيت انك انسان بمعني الكلمة فيك حاجة غريبة بتجذب الناس ليك ولو جينا نفسر الموضوع دة فنلاقي ان معدنك الثمين وطريقة تفكيرك وتعاملك مع الناس فيها كل المحبة والود الي يخلي الواحد عايز يقرب منك كمان وكمان وربنا يزيد محبة الناس ليك يا طلعت

ياجلجل أبوس راسك............. ياأغلي الغاليين
كفاية كل الحب ده
وأنت والله ياجلجل أنسان من دهب
والله العظيم أنا وأهل بيتى كلنا بنحبك
وأنا باعلنها من خلال المنتدي علي الملأ أنه علي مدي عمري من أعظم الأشياء اللي حصلت لي هي
صداقتك الغالية المرتقيه عندي لدرجة أكتر من الأخوة
ربنا يخليك ليا يارب ياجلجل

[طلعت بخيت بسكالس]

المشاركة الأصلية كتبت بواسطة oonyx

قال إيه واحنا كان نفسنا نتجمع ونطلع, لأ بلاشها بقى لحسن نرجع بخفي حنين ههههههههههههه

يابشا ده أنت تشرف وتنور وبعدين أنت شكلك كده عملاق ومخبي.......... ولا أيه؟؟

[ابو الشوق]

يا عم طلعت بلاش التواضع الكبير كبير

[طلعت بخيت بسكالس]

المشاركة الأصلية كتبت بواسطة ابو الشوق

يا عم طلعت بلاش التواضع الكبير كبير

أنت أنسان جميل يابو الشوق ونفسي بجد أتشرف بمقابلتك وأنا أن كنت كبير فأنا كبير بالحب اللي بينا

[طلعت بخيت بسكالس]

المشاركة الأصلية كتبت بواسطة smsmn8888

استاذ طلعت مينفعش نقول علية اكتر من انة صياد بيعشق الصيد بجنون وربنا يوفق ويجيب الذي في دماغة يارب

حبيب قلبي ياسمسم ربنا يارب يحقق لكل منا حلمه

[طلعت بخيت بسكالس]

المشاركة الأصلية كتبت بواسطة sam0o87

اوبااااااااااااااااااااااااااا
على فكرة يا جماعة دية كانت المفروض تسمى رحلة العملاقة
واحنا عايزين نتعلم على ايد البشوات دول
يارب يتبننونا

حبيبي سموحة تحل أهلا وتنزل سهلا معانا في أي رحلة
أحنا أخواتك لو معندكش مانع

[طلعت بخيت بسكالس]

المشاركة الأصلية كتبت بواسطة القناص

السلام عليكم


أذا كان الموضوع عن أخى الكريم المهندس طلعت يبقى لازم أشارك فية وبالرغم من أن أستاذنا الكبير اللواء صلاح

لم يترك شىء يقال ولكن أحب أن أقول ان أخونا المهندس طلعت فعلا من الناس الذين تحب أن تخرج معهم فى


رحلة صيد ليس فقط لمجرد المهارة فى الصيد ولكن لأن عندة فعلا سلوك الصياد الحقيقى هذا الى جانب جمال

الحديث حول أى موضوع يخص الصيد و الرماية


وله منى كل الأحترام


وشكرا

بص بقي أنت بالذات أنا مخليك للآخر علشان أحلي ولكن مش هارد عليك النهاردة علشان الساعة دلوقتي واحدة ونص بعد منتصف الليل ولازم أنام علشان مسافر بكره الصبح ولما أرجع أرد عليك الرد اللي يليق بك

[عاصــم الشبراوينــي]

طيب يا جماعه ابقوا اقتكرونا برنه بلاش اتصال

[محمد سليمان]

يا جماعه بجد مع انى لسه عارف المنتدى مكملتش شهر الا انى و الله عينا دمعت و انا فى الشغل اصلا و سط زمايلى اما قريت الموضوع ده
بجد ربنا يباركلكم كلكم فى منتهى الذوق و الادب و الاخلاق اللى فى الدنيا
ربنا يزيدكم من فضله
و الله مع انى مقابلتش حد منكم غير استاذ اسامة و يادوب كلمت استاذ جلال و كاريزما و الشيخ مجدى كام مره و صدعتهم معايا و لاقتهم قمه فى الاخلاق و الاحترام و حب المساعده الا انى بحترمكم كلكم من دلوقتى و بتمنى ربنا يرزقنى و اتعرف على الناس الجميله دى اكتر
ربنا يديم المعروف بينكم و يرزقكم التآخى فى الله على الدوام

[طلعت بخيت بسكالس]

المشاركة الأصلية كتبت بواسطة محمد سليمان

يا جماعه بجد مع انى لسه عارف المنتدى مكملتش شهر الا انى و الله عينا دمعت و انا فى الشغل اصلا و سط زمايلى اما قريت الموضوع ده
بجد ربنا يباركلكم كلكم فى منتهى الذوق و الادب و الاخلاق اللى فى الدنيا
ربنا يزيدكم من فضله
و الله مع انى مقابلتش حد منكم غير استاذ اسامة و يادوب كلمت استاذ جلال و كاريزما و الشيخ مجدى كام مره و صدعتهم معايا و لاقتهم قمه فى الاخلاق و الاحترام و حب المساعده الا انى بحترمكم كلكم من دلوقتى و بتمنى ربنا يرزقنى و اتعرف على الناس الجميله دى اكتر
ربنا يديم المعروف بينكم و يرزقكم التآخى فى الله على الدوام

أخي محمد أشكرك علي زوقك وأدبك ومشاعرك الفياضة

[طلعت بخيت بسكالس]

المشاركة الأصلية كتبت بواسطة عاصــم الشبراوينــي

طيب يا جماعه ابقوا اقتكرونا برنه بلاش اتصال

ياباشا ده أنت الكل في الكل وأنت سبب الصحبة والمعارف الجميلة دي كلها وزعلك المرة دي عندي أنا شخصيا لكن والله ماكان مترتب لها قوي دي جت كده عموما الرحلة الحلوه بجد هاتكون عندك قريبا أنشاألله

[ayman22]

احلى اغضاء قى الدنيا .... لكم اجمل تحية .......

انا حقيقى لسانى عاجز عن الكلام من كتر ما شوفت قمة الحب والمودة والاخلاق والذوق الرفيع بينكم وحقيقى انا بندم على انى متعرفتش على المنتدى واعضاؤه من زمان ....

ارجوكم ادعوا لى انى ارجع ايام زمان وانى اشترى البدقية اللى انا بعت زيها زمان وهى الساحرة الdiana 48 ......

اجمل تحية وحب وتقدير واحترام لاخلى اعضاء........

[القناص]

السلام عليكم


يا بشمهندس هتقول أية بس صدقنى فعلا أنا مش ببالغ لما بقول أنك من أمهر الصيادين و أنك تتحلى بأخلاق


الصياد الحقيقى بس صلاح باشا مخلاش حاجة تتقال تانى فى الموضوع


وشكرا

[mohamed anwar]

ياجماعه ان الكلام يخص طلعت بخييت فالكلام في مكانه ومحله ولاكن انتو نسيتو ان الراجل ده رمش داهيه في الصيد بس لا كمان في موضيعيه واسلوبه وفارس القلم في المنتدي ولا تنسو ان القلم رصاص
فهو بحق جينيرال هذا المنتي ونجمه اللامع
تستحقها والي المام ياجينيرال
من اخوك
محمدانور

[salahfareed]

المشاركة الأصلية كتبت بواسطة mohamed anwar

ياجماعه ان الكلام يخص طلعت بخييت فالكلام في مكانه ومحله ولاكن انتو نسيتو ان الراجل ده رمش داهيه في الصيد بس لا كمان في موضيعيه واسلوبه وفارس القلم في المنتدي ولا تنسو ان القلم رصاص
فهو بحق جينيرال هذا المنتي ونجمه اللامع
تستحقها والي المام ياجينيرال
من اخوك
محمدانور

شكرا اخى محمد انور
بس فى الحقيقه طلعت ماخلاش حاجه ورمى رميات عجيبه وغريبه
مع قدرته الهائله على الاحتفاظ بابتسامته المتالقه دائما وعلى راى محمود عبد العزيز(فيلم العار)
بلا جينيرال بلا نيله بقى

[طلعت بخيت بسكالس]

أحبائي وأصدقائى وأخوتي الغاليين علي قلبي جدا
الكبير العظيم صلاح باشا الأب الروحي للمنتدي
أخويا الغالي ألأمبراطور كما يحلوا لي أن أناديه محمد أنور
صديقي الصدوق أمهر الرماة وعم القناصين أشرف باهي
والله للمرة الألف عقد لساني وجف قلمى وحلقي وذابت مني مفرادت اللغة فلم أجد ماأقوله سوي أن أهديكم هذه الأبيات للأمام الشافعي رحمة الله عليه

إ إذا المـرء لا يرعاك إلا تكلفا ... فدعه لا تكثر عليه التأسـفا

في الناسِ إبدالٌ وفي الترك راحةٌ ... وفي القلب صبرٌ للحبيب ولو جفا

فليس كل من تهواه يهواك قلبه........ وليس كل من صافيته لك قد صفا

اذا لم يكن صفوا الوداد طبيعة ........... فلا خير في ود يجيء تكلفا

ولا خير في خلٍ يخون خليله .......... ويلقاه من بعد المودة بالجفا

وينكر عيشا قد تقادم عهده ......... ويظهر سرا كان بالامس قد خفا

سلام علي الدنيا اذا لم يكن بها........ صديق صدوق صادق الوعد منصفا

[القناص]

السلام عليكم



عندى أضافة صغيرة على هذا الموضوع وهى أن هذا الموضوع يوضح التأخى والمحبة والأخلاق الرفيعة بين


محبى هذة الهواية وكيف يرى كل رامى أو صياد الجمال فى الرامى أو الصياد الأخر قبل أن يراها فى نفسة

وكيف يمدح كل رامى أو صياد صديقة دون أن يتذكر أن يتحدث عن نفسة حتى لو كان يتفوق علية فى الخبرة

و المهارة فكل منا يرى الأخر وبكل تواضع أنة الأفضل وهذا مايجعل محبى هذة الهواية أن ينظرون لبعضهم البعض


نظرة أحترام ومحبة ويحاول كل من محبى هذة الهواية أن يتنافس على الأخلاق الرفيعة قبل أن يتنافس على أى شىء أخر

وهذة الأخلاق هى التى يجب أن تتوفر فى كل رامى أو صياد قبل أى شىء



وشكرا

[طلعت بخيت بسكالس]

المشاركة الأصلية كتبت بواسطة القناص

السلام عليكم



عندى أضافة صغيرة على هذا الموضوع وهى أن هذا الموضوع يوضح التأخى والمحبة والأخلاق الرفيعة بين


محبى هذة الهواية وكيف يرى كل رامى أو صياد الجمال فى الرامى أو الصياد الأخر قبل أن يراها فى نفسة

وكيف يمدح كل رامى أو صياد صديقة دون أن يتذكر أن يتحدث عن نفسة حتى لو كان يتفوق علية فى الخبرة

و المهارة فكل منا يرى الأخر وبكل تواضع أنة الأفضل وهذا مايجعل محبى هذة الهواية أن ينظرون لبعضهم البعض


نظرة أحترام ومحبة ويحاول كل من محبى هذة الهواية أن يتنافس على الأخلاق الرفيعة قبل أن يتنافس على أى شىء أخر

وهذة الأخلاق هى التى يجب أن تتوفر فى كل رامى أو صياد قبل أى شىء



وشكرا

أنا معنديش تعليق يا أشرف علي كلامك ده يكفي أقولك أن أنا لما قرأته فضلت أصفق وأقول الله يفتح عليك كمان وكمان ياأجمل صياد شافته عيناي