|
| الإعلانات |
|
|||||||
| الصيد العام موضوعات الصيد العامه وتعارف الصيادين. |
 |
| أدوات الموضوع | إبحث في الموضوع | انواع عرض الموضوع |
11-08-11, 08:54 PM
|
#1 |
|
صياد متفاعل
تاريخ التسجيل: May 2011
المدينه: الزقازيق
المشاركات: 135
معدل تقييم المستوى: 6  |
الصيد رزق لك ولطرائدك ... مواقف
السلام عليكم
ملحوظة : انا ذاكرتي ضعيفه جداااااااا صحيت انهارده من النوم " قبل الفطار يمكن ب 3 دقايق " وافتكرت ان ليا مسدس بيتنكل في الورشة فأفتكرت ايام زمان كان ليا بندقية رش معدلة لضرب ال 22 وكانت كلها نيكل ودبشك اسود اه كانت جميلة اوي " كنت انا اللي عاملها " المهم البندقية دي طلعت بيها طلعة واحدة بس .... بس ليها موقف غريب اوي معايا انا عادة كل سنة في اوائل الصيف بطلع صيد جبلي في سيناء وذلك لندرة الصيد وعدم وجود هجرة طيور في الايام دي والصيد في سيناء بنحتاجله خرطوش وبنصطاد في العادة الارانب الجبلية وبعض الطيور مثل القطا والشنار والحجل المهم في السنة اللي عملت فيها البندقية " يمكن من 5 سنين " كان فيه قلق شديد على موضوع الصيد وعلى المعدية بتاعة سيناء فمعظم رفاقنا والصيادين رفضوا يطلعوا ببنادقهم وانا مكنش معايا خرطوش المهم قلت هنطلع يعني هنطلع ان شاء الله حتى لو رحنا نصطاد عقارب وتعابين احنا هناخد البندقية المعدلة دي معانا هووب خدنا بعضنا وكنفت البندقية واخدت معايا البندقية الرش الجامو وصلنا وخيمنا عند البدوي صاحبنا وبعد صلاة العشاء قلنا نطلع ناخد لفة على الارانب طبعا الارانب بنمشيلها مالا يقل عن 20 ل 50 كيلو حتى نوصل الوديان والجبال الموجوده فيها سبحان الله في اليوم ده يدوب خارجين من الخيمة وركبنا العربية ومشينا تقريبا 150 متر وابص الاقي العين الحمرا بتلمع من بعيد............. هووووووووووووووووب الكشاف يا ولاد ال.... " الكشاف ده عبارة عن كشاف قدرته مليون وات بيركب على ولاعة العربية لكشف المسافت البعيدة" هوب كشف الاقي ارنب على مدد النظر هنعمل ايه دلوقتي؟؟ هاتو البندقية الموريس " الرش المعدلة الى رصاص " كسرت وعمرت الا وصاحبي بيضرب الكشاف جنبي وبيمسكني بشدة من ايدي وبيقولي الحق ابص جنبي الاقي كومة تراب على بعد 5 متر او اقل ارتفاعها متر ونص تقريبا وعليها ارنبة ما شاء الله تخشلها في 2 كيلو ونص 3 كيلو وقاعدة مكنزة رحت مادد البندقية فيها واسفخ... زووووووووووو جت فوق راسها بربع سنتي طبعا من المفترض في هذه اللحظة ان الارنبة تطيييييييييييييير وتنجو بحياتها لكن والله ماتحركت من مكانها سنتي واحد كل اللي عملته انها قنفدت اكتر ولزقت ودانها في جسمها.. !!!!!!!! عمر تاني عمر البارودة نشن... هوب ... اسفخ جت تحتها بربع ملي ... والموريس " الرصاص بيعمل انفجارات في التراب ودي لا تتحرك نهائيا انا اتهبلت اكتر عمر تاني وبمد البارودة والا البدوي بيمسك مني البارودة وبيقولي حد الله ما تضرب هالارنب عشار ما تطخها وهذي ارادة الله في انها ماتنصاب وهي الحين شارفت على الوضع فما هي قادرة تتحرك في هذا اليوم شوفنا مالا يقل عن 7 ارانب وجميعهم في نطاق مخيمنا وهو مكان لم نعهد ان نرى فيه طرائد من قبل والارانب خاصة كان لازم نمشيلها بلاد بعيدة عن مكان تخييمنا وبمناسبة العشار وصغار الطيور والحيوانات اذكر موقف اخر كنا في رحلة صيد قميري جبلي وطبعا بنصطاد الكروان الجبلي معاه لقينا جوز كروان عن طرفة " شجرة جبلية صغيرة " هوب .... طااااااااااااخ بالخرطوش يقع احدى الكراونين صريعا ولا يحرك الاخر ساكنا واكثر من 5 خراطيش متتالين في زوجه ولا يتحرك من مكانه كما لو هناك درع خفي يحجبه عن بلي الخرطوش والا رفيقي راح يشوف في ايه لا بينصاد ولا بيطير هذا شيء يهبل وانا قاعد في العربية ورفيقي راح هناك لقيته وطى وجاب الكروان اللي مات ولمحت الكروان التاني بيجري ويلف حولين الشجرة " بيستخبى من صاحبي " الا وصاحبي جاي وعينا مدمعه ويقولي سبحان الله محمد انا شفت حاجة عمري ما هنساها قلتله انت اتهبلت ياض انت مطختش التاني ليه وانت بينك وبينه متر ؟؟؟!!! قالي محمد احنا ضربنا فيه 6 خراطيش ومحصلوش حاجة عارف ليه ؟ قلتله ليه؟؟ قالي هناك زوج فراخ " عياله " في عشه تحت الطرفة ولم يكلم احدنا الاخر لمدة 10 دقائق في صمت سبحان الله... سبحان الله هه بدون دخول في دراما الرزق بيجيلك لحد رجليك ريح نفسك واسعى ولا تستعجب لماذا لا يرزقك الله في بعض الاحيان... لأن قلة الرزق لك في بعض الاحيان رزق ونعمة لأخرين... فعندما تنشن على طريدة وانت متأكد انها هتيجي وتضرب ومتجيش فتأكد ان الله يحبك... لأن هناك خلف الكواليس ما هو اقوى وافضل من انك تأكلها... اسف طولت عليكوا بس بجد حبيت اشارككم اللي عندي السلام عليكم |
|
|
|
11-08-11, 09:08 PM
|
#2 |
|
صياد قديم
تاريخ التسجيل: Jul 2011
المدينه: الإسكندرية
المشاركات: 1,612
معدل تقييم المستوى: 21  |
رد: الصيد رزق لك ولطرائدك ... مواقف
انا دلوقتى بس عرفت ليه لما كان الشيطان بيلعب فى دماغى واضرب على حمام الناس وبينى وبينه 20 متر ما كنش بيجى ..
سبحان الله .. |
|
|
|
|
11-08-11, 09:12 PM
|
#3 |
|
صياد متقدم
تاريخ التسجيل: Feb 2010
المدينه: مدينة السادات
المشاركات: 640
معدل تقييم المستوى: 10   |
رد: الصيد رزق لك ولطرائدك ... مواقف
ربنا يبارك فيكم ويرزقكم بصيد وافر على طول وعلى أما بشوف أي طائر على عش وقاعد على بيض أو على صغار عمرى ما بضربة وكثير ما كنت اري طيور على عش ولم أمسها بأي أزي وجزاكم الله خير
__________________
أحمد النقراشي |
|
|
|
|
11-08-11, 10:22 PM
|
#4 |
|
صياد متقدم
تاريخ التسجيل: Apr 2011
المدينه: port said , egypt
المشاركات: 693
معدل تقييم المستوى: 9 |
رد: الصيد رزق لك ولطرائدك ... مواقف
سبحان الله لو كنت زودت شوية لكنت عيطت والله
بجد حاجة مؤثرة جدا وفعلا الي انت بتقولو ساعات بيحصل والله وحصل معايا شخصيا
__________________
اذا رايت نملة في الطريق فلا تدسها و ابتغ بذلك وجه الله عسى ان يرحمك كما رحمتها اذا اعترضتك قطة صغيرة في وسط الطريق فاحملها الي الجانب الاخر و ابتغ بذلك وجه الله عسى ان يقيك الله ميتة السوء اذا هممت بالقاء بقايا الطعام في حاوية القمامة فاجعل نيتك ان تكل منها الدواب و ابتغ بذلك وجه الله عسى ان يرزقك الله من حيث لا تحتسب اذا اشتدت حرارة الصيف فاجعل اناء به ماء في شباك غرفتك لتشرب و تتبرد فيهالطيور و ابتغ بذلك وجه الله عسى ان يسقيك الله يوم العطش الاكبر |
|
|
|
|
11-08-11, 10:40 PM
|
#5 |
|
صياد نشيط
تاريخ التسجيل: Jun 2011
المشاركات: 400
معدل تقييم المستوى: 8 |
رد: الصيد رزق لك ولطرائدك ... مواقف
بارك الله فى حضرتك و شكرا جزيلا للمعلومه القيمه.. سبحان الله الملك
فعلا مواقف مؤثره جدا و سبحان الحافظ المدبر ما أصابك ماكان ليخطئك وما أخطأك لن يصيبك ابداااا تحياتى و تقديرى
__________________
اللهم إحفظ مصر و أهلها |
|
|
|
|
11-08-11, 10:57 PM
|
#6 |
|
صياد نشيط
تاريخ التسجيل: Jul 2011
المشاركات: 404
معدل تقييم المستوى: 9 |
رد: الصيد رزق لك ولطرائدك ... مواقف
الحقيقه موضوع مؤثر فعلا المفروض اى حد مننا يشك حتى فى اى هدف له يسيبه احسن وربنا هيرزقه بأحسن منه على فكره انا حصلى موقف مشابه بس فهمت متأخر كانت يمامه ترقد على بيضها وانا مش عارف ضربتها ثلاث مرات ومطرتش واصبت فى الثالثه وياريت ما اصبت وجدت تحتها بيض زعلت جدا والأصابه مكنتش مميته كانت فى الحويصله خيطها على امل انقزها واكلتها وشربتها بس مع الأسف بعد يومين ماتت بس انا تعلمت الدرس ان الهدف الى ما يهربش وراه حاجه مهمه ونسيبه وربنا يرزقنا بغيره
|
|
|
|
|
11-08-11, 11:08 PM
|
#7 |
|
صياد نشيط
تاريخ التسجيل: Jul 2011
المشاركات: 404
معدل تقييم المستوى: 9 |
رد: الصيد رزق لك ولطرائدك ... مواقف
على فكره البلابل وفيه جدا لبعض لأنى عندما اجد بلبلين واضرب احدهم الثانى ينزله ويغرد له واقعد اضربه وابقى قريب جدا منه وفى الأخر اصتاده او يهرب بصعوبه لأحساسه بخطر شديد وده خلانى كثيرا ما اتردد فى صيد البلابل لوفائها لبعض حتى فى الخطر
|
|
|
|
|
11-08-11, 11:47 PM
|
#8 |
|
صياد متقدم
تاريخ التسجيل: Feb 2011
المدينه: انا ساكن في مدينه كوم حماده بمحافظه البحيره
المشاركات: 554
معدل تقييم المستوى: 8 |
رد: الصيد رزق لك ولطرائدك ... مواقف
موضوع جميل وقصص اجمل تسلم ايديك
__________________
وما رميت اذ رميت ولكن الله رمى |
|
|
|
|
11-08-12, 12:53 AM
|
#9 |
|
صياد نشيط
تاريخ التسجيل: Mar 2011
المدينه: الجيزة
المشاركات: 422
معدل تقييم المستوى: 8 |
رد: الصيد رزق لك ولطرائدك ... مواقف
موضوع غاية ف الروعة يا محمد بك , تسلم ايدك و ربنا يرزقك و يرزقنا جميعا ز يباركلك على موضوعك و يجعله فى ميزان حسناتك
__________________
أشهد أن لا إله إلا الله و أن سيدنا محمد عبد الله و رسوله و أن عيسى بن مريم عبد الله و رسوله و أنه كلمة الله و روحه ألقاها إلى مريم البتول و أن الجنة حق , و أن النار حق |
|
|
|
|
11-08-12, 02:20 AM
|
#10 |
|
صياد قديم
تاريخ التسجيل: May 2010
المشاركات: 1,065
معدل تقييم المستوى: 20 |
رد: الصيد رزق لك ولطرائدك ... مواقف
سبحان الله
|
|
|
|
|
11-08-13, 11:48 AM
|
#11 |
|
صياد متفاعل
تاريخ التسجيل: May 2010
المشاركات: 149
معدل تقييم المستوى: 6 |
رد: الصيد رزق لك ولطرائدك ... مواقف
سبحان الله لا حيلة فى الرزق ولا شفاعة فى الموت
|
|
|
|
|
11-08-13, 12:15 PM
|
#12 |
|
صياد قديم
تاريخ التسجيل: Mar 2011
المدينه: الاسكندريه
المشاركات: 1,261
معدل تقييم المستوى: 14   |
رد: الصيد رزق لك ولطرائدك ... مواقف
انا عجبنى اوى الموضوع ده بجد عبر ومواعظ بارك الله فيك ويريت المنتدى يبقى كله كده مواضيع حلوه عن الصيد وادابه ومواقفه
|
|
|
|
|
11-08-13, 12:26 PM
|
#13 |
|
صياد نشيط
تاريخ التسجيل: Feb 2011
المدينه: فايده كامل المعادى القاهره
المشاركات: 434
معدل تقييم المستوى: 8 |
رد: الصيد رزق لك ولطرائدك ... مواقف
مشكور اخى االكريم
__________________
يستطيع الإنسان أن يتمنى ما يشاء لكنه لا يستطيع أن ينال مايشاء.. |
|
|
|
|
11-08-15, 03:33 PM
|
#14 |
|
صياد متفاعل
تاريخ التسجيل: Feb 2011
المشاركات: 233
معدل تقييم المستوى: 8 |
رد: الصيد رزق لك ولطرائدك ... مواقف
دة تفسير
الرحمن الرحيم
__________________
فيها حاجة حلوة . حاجة حلوة بينا
حاجة كل ما تزيد زيادة فيها إنة فيها نية صافية .فيها حاجة دافية حاجة بتخليك تثبت فيها سنة سنة مصــــر هى الصبح بدرى.مصـــر صوت الفجر يدن مصــــر اول يوم العيد .عيدية .بمب ولبس جديد موائد رحمن . فانوس رمضان . مسلم فى بيت مسيحى فطرووا . تأييلة العصرية ولمة على الطبلية فى مصر مولد السيدة والذكر والهيصة وركعتين بركة فى السيدة نفييسة تحيرك برضه حاببها على بعضها كدا بعيوبها حتة منك فيها حاجة حلوة . حاجة حلوة بينا " |
|
|
|
|
11-08-16, 04:14 AM
|
#15 |
|
صياد متقدم
تاريخ التسجيل: Apr 2008
المشاركات: 663
معدل تقييم المستوى: 11 |
رد: الصيد رزق لك ولطرائدك ... مواقف
والله الكلام دةبحيصل معايا انا وعصام واخرها طلعة الجمعة اللى فاتت حمامة واقفة فوق رأسى على بعد حوالى 30 متر وضربت عليها اكتر من 15 رشة ولا بتتحرك من مكانها لحد ما سبتها وعصام كان شايف المنظر دة ومستغرب لأنى لو جليت مرة التانية بتيجى
المهم استقرينا ان اخرنا 3 رشات لو مصبناش منحاولش لأن ربناحفظها لحكمة لا يعلمها الا هو وسبحان الله
__________________
لا اله الا انت سبحانك انى كنت من الظالمين |
|
|
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| مواقف حقيقيه جدا | pooforever_2010 | الموضوعات العامه | 89 | 11-09-09 11:07 AM |
| اغرب مواقف شوفتها في حياتي | gamopt80 | الموضوعات العامه | 17 | 11-07-11 02:59 PM |
| مواقف فى رحلات الصيد | البطل | صور وفيديو الصيد ورحلاته | 4 | 11-06-19 01:06 AM |
| مواقف وطرائف الصيد | well12m | صور وفيديو الصيد ورحلاته | 13 | 11-06-06 12:50 PM |
| ~¤ô¦¦§¦¦ô¤~ كتاب الصيد فى مصر ~¤ô¦¦§¦¦ô¤~ لمحبى وعشاق الصيد | waleedadel | الصيد العام | 20 | 11-05-15 10:28 PM |
العرض العادي
