رجاء لأباطرة الكرال...

[Mohammad Al Qassam]

المشاركة الأصلية كتبت بواسطة fadeel79

السلام عليكم ، بص يا عم انا فى الاول كنت مرحب اوى بفكرة انى اشترى بندقية رخيصة واعملها شوية تعديلات وتبقى فله والتعديلات هى تغيير السوستة والجلبة وتركيب حدافة والتعديلات دى بالميت تخش على 350 ولو هتركب سوسه تيتن زى ما انا عامل السوستة لوحدها دلوقتى عاملة من الموقع بتاعها حوالى 400 جنية ، الفكرة ان التعديلات مش رخيصة وسعر البندقية اصبح غالى فالكرة دلوقتى اتغيرت ايه الى يخلينى اشترى بندقة غالية واعمل عليها كمان تعديلات بالشئ الفلانى .

الشادو 1000 او جامو رويال برقبة كل انواع الكرال والفرق مش هيبقى كتير حوالى 500 - 1000 والكلام ده عن خبرة سنين

محمد بك مصطفى
أولاً شكراً على مرورك الكريم
ثانياً كلامك فعلاً تمام و الموضوع بقة رخم اوي الناس كانت الاول بتقول انك ممكن باقل من 2000 جنيه تعمل بندقية تعتبر هاي باور و جامدة جدا دة على اساس ان الكرال بتعديلاتها و تظبيطاتها و يمكن كمان بإسكوب متوسط مش هتعمل ال2000 جنيه و بردو كمان كنا بنلاقي مشاكل بردو .... لكن دلوقتي الحوار فتح على الاخر و الدنيا عليت اوي بقت الكرال لوحدها بتعمل ال 2000 و اكتر كمان يعني عشان اجيب الكرال و اظبطها مش اقل من 3000 جنيه فالحوار مبقاش مفضل خالص .....
لكن في نفس الوقت ظهور الاصدارات الجديدة من الكرال بقدرات جديدة و اسعار زي الاصدارات القديمة تقريباً دة اللي يخلينا نرجع نفكر في الكرال تاني بمعنى ان الاصدار القديم دلوقتي بالفين جنيه و لسة هيتعدل طيب الاصدار الجديد تقريبا ب 2200 جنيه يعني فرق قليل مع اختلاف كبير في القدرات و لكن محدش عارف نظامه محتاج تعديل و لا لا ؟؟؟؟! و هو دة مربط الفرس .
ثالثاً أما بالنسبة للشادو 1000 و الجامو رويال فانا اللي اعرفه انها اسماء لها وزنها و حاجات عالية لكن معرفش اسعارها و لا سرعاتها فأرجو من حضرتك توضيح هذه المعلومات اذا كنت تعرفها ..