رجاء لأباطرة الكرال...

[ميشو الحاوى]

المشاركة الأصلية كتبت بواسطة mohammad al qassam

محمد بك مصطفى
أولاً شكراً على مرورك الكريم
ثانياً كلامك فعلاً تمام و الموضوع بقة رخم اوي الناس كانت الاول بتقول انك ممكن باقل من 2000 جنيه تعمل بندقية تعتبر هاي باور و جامدة جدا دة على اساس ان الكرال بتعديلاتها و تظبيطاتها و يمكن كمان بإسكوب متوسط مش هتعمل ال2000 جنيه و بردو كمان كنا بنلاقي مشاكل بردو .... لكن دلوقتي الحوار فتح على الاخر و الدنيا عليت اوي بقت الكرال لوحدها بتعمل ال 2000 و اكتر كمان يعني عشان اجيب الكرال و اظبطها مش اقل من 3000 جنيه فالحوار مبقاش مفضل خالص .....
لكن في نفس الوقت ظهور الاصدارات الجديدة من الكرال بقدرات جديدة و اسعار زي الاصدارات القديمة تقريباً دة اللي يخلينا نرجع نفكر في الكرال تاني بمعنى ان الاصدار القديم دلوقتي بالفين جنيه و لسة هيتعدل طيب الاصدار الجديد تقريبا ب 2200 جنيه يعني فرق قليل مع اختلاف كبير في القدرات و لكن محدش عارف نظامه محتاج تعديل و لا لا ؟؟؟؟! و هو دة مربط الفرس .
ثالثاً أما بالنسبة للشادو 1000 و الجامو رويال فانا اللي اعرفه انها اسماء لها وزنها و حاجات عالية لكن معرفش اسعارها و لا سرعاتها فأرجو من حضرتك توضيح هذه المعلومات اذا كنت تعرفها ..

اولا تسمحلى ارد ع سؤالك
لكن في نفس الوقت ظهور الاصدارات الجديدة من الكرال بقدرات جديدة و اسعار زي الاصدارات القديمة تقريباً دة اللي يخلينا نرجع نفكر في الكرال تاني بمعنى ان الاصدار القديم دلوقتي بالفين جنيه و لسة هيتعدل طيب الاصدار الجديد تقريبا ب 2200 جنيه يعني فرق قليل مع اختلاف كبير في القدرات و لكن محدش عارف نظامه محتاج تعديل و لا لا ؟؟؟؟! و هو دة مربط الفرس .

1-الكرال لا يعلى عليها طبعا وهى من البنادق الهاى بور بدون تعديل لان سرعتها 240/ث وده طبعا جميل جدا وانا عندى كرال لسه جايبها من 4 ايام وبصراحه عشره ع عشره ((دقه وقوه)) ووزنها لا تقيله فتبقى رخمه ف شيلها ولا خفيفه وزنها متوسط ومن ساعت ما جبتها وانا بطلع بيها وزى الفل معايا من غير تعديل
لكن طبعا لو انت عاوز تعدلها وتخليها تبقى زيها زى الشادو 1000 و الرويال والكلام ده مفيش مشاكل لكن هى بحالتها كده هاى بور (مدفع)من غير تعديل

بالنسبة للشادو 1000 و الجامو رويال فانا اللي اعرفه انها اسماء لها وزنها و حاجات عالية لكن معرفش اسعارها و لا سرعاتها فأرجو من حضرتك توضيح هذه المعلومات اذا كنت تعرفها

2- الشادو 1000 سعرها (3250جنيه)وسرعتها 305/ث تقريبا وهى نمره 2 والسعر ده عند شريف ابوضيف ف الموضوع بتاعه والجامو رويال مش عارف سعرها وصل كام دلوقتى